rumantsch
Beinvegni a Cuera. Nus ans legrain d’envidar Vus
a la dieta per ina chasa da medias en las Alps a Cuira.
La finamira da quella dieta è dad instradar il project
Las-Alps-infoteca sco plattafurma per infurmaziuns da
e davart las Alps tant dal punct da vista tematic
sco er organisatoric.

Nus envidain 70 fin 90 persunas da l’entir territori
alpin, represchentant(a)s da las medias, da l’admini-
straziun, da la politica, da l’economia sco era dad
organisaziuns nunguvernamentalas. Quels duain discutar
davart la necessitad e la realisabladad d’in tal project.
Previs èn intgins referats e pleds en connex cun il tema
dal di «Ina chasa da medias en las Alps» che duain
servir sco punct da partenza per las discussiuns en las
gruppas ed en il plenum. A la fin da la dieta duai
star a disposiziun in’organisaziun dal project per svilu-
ppar la chasa da medias en las Alps.

Durant la dieta vegni discurrì tudestg, talian e franzos.
La dieta ha lieu en l’edifizi dal Cussegl grond a Cuira.
Ils organisaturs surpiglian ils custs da pernottaziun e da
dunsena. Il viadi organisescha e finanziescha mintga
participant(a) sez(za).


Cordials salids
Mariano Tschuor, directur RTR
Ruedi Bruderer, manader da project