rumantsch
Las-Alps-infoteca analisescha temas ch’occupan ils
umans en l’entir spazi da las Alps. Quai ch’è
actual a Grenoble, è era interessant per San Murezzan,
Cortina d’Ampezzo u Bad Gastein, quai che vegn
experimentà a Tschlin è er relevant per Wolkenstein/
Selva, per la regiun da Bregenz u per la Val Malenco.

Las-Alps-infoteca vul sustegnair e promover quest
barat d’infurmaziuns interalpin. Ils pajais da las Alps
coordineschan lur collavuraziun statala sur cun-
fins en la Cuminanza da lavur ARGE ALP, Alpen-Adria,
COTRAO u la UE.

Las organisaziuns nunguvernamentalas sco l’Allianza
en las Alps, Alparc, Via Alpina e bleras autras pos-
sedan dapi passa 50 onns cun la CIPRA in sistem da
coordinaziun per in svilup persistent da las Alps.
A tut quellas vul
Las-Alps-infoteca porscher ina platta-
furma d’infurmaziuns politicamain independenta.